काठमाडौं, फागुन २५ । भारतीय अभिनेता तथा निर्देशक सतीश कौशिकको ६६ वर्षको उमेरमा निधन भएको छ ।
भारतीय मिडियाका अनुसार अभिनेता अनुपम खेरले एक ट्वीट मार्फत आफ्नो साथीको मृत्युको पुष्टि गरेका छन् । खेरले ट्वीट गर्दै भने, ‘४५ वर्षको मित्रताको अचानक अन्त्य भयो । तिमी बिनाको जीवन उस्तै हुने छैन।”
पीटीआईको एक रिपोर्टका अनुसार, खेरले कौशिकलाई असहज महसुस गरेको र उनले चालकलाई अस्पताल लैजान भने र बाटोमा करिब १ बजे उनलाई हृदयघात भएको बताए।
कौशिक दिल्लीको गुरुग्राममा एक साथीको घरमा गएका थिए। उनलाई दिल्लीको फोर्टिस अस्पताल लगिएको थियो । उनको अस्पतालमा मृत्यु भएको भारतीय सञ्चारमाध्यमले जनाएका छन् ।
कौशिकले १९८० को दशकको सुरुमा फिल्म उद्योगमा प्रवेश गरेका थिए। उनका चर्चित फिल्म ‘मिस्टर इन्डिया’, ‘दीवाना मस्ताना’ हुन् । कौशिकले ‘हम आपके दिल मे रहेते हैं’, ‘तेरे नाम’ जस्ता चर्चित फिल्महरू निर्देशन गरेका थिए । कौशिकका श्रीमती र एक छोरी छन् ।
Published Date: 09 March 2023
