काठमाडौं, फागुन २५ । काठमाडौंबाट भैरहवाका लागि उडेको श्री एयरलाइन्सको इन्जिनमा आगो लागेको देखिएपछि त्रिभुवन अन्तर्राष्ट्रिय विमानस्थलमा आकस्मिक अवतरण गरिएको छ ।
विमानस्थलका प्रवक्ता टेकनाथ सिटौलाका अनुसार श्री एयरलाइन्सको उडान नं ८२१ को इन्जिनमा ‘आगोको चेतावनी’ देखिएपछि विमानलाई काठमाडौंतर्फ डाइभर्ट गरिएको उनले बताए । अहिले विमानस्थल सामान्य छ ।
काठमाडौंबाट उडान भरेपछि चालक दलका सदस्यले टावरमा इन्जिनमा आगो लागेको जानकारी दिएपछि विमानलाई धादिङको माथिको आकाशबाट डाइभर्ट गरी त्रिभुवन अन्तर्राष्ट्रिय विमानस्थलमा आकस्मिक अवतरण गराइएको थियो ।
Published Date: 09 March 2023
