काठमाडौं, फागुन २४ । राष्ट्रिय प्रजातन्त्र पार्टी (राप्रपा) ले राष्ट्रपति निर्वाचनको मतदानमा तटस्थ बस्ने निर्णय गरेको छ।
बुधबार धुम्बाराहीस्थित राप्रपा केन्द्रीय कार्यालयमा बसेकोे केन्द्रीय कार्य सम्पादन समितिको बैठकले सो निर्णय गरेको राप्रपाका अध्यक्ष राजेन्द्र लिङ्देनले जानकारी दिए ।उनले राष्ट्रपति भन्ने संस्थासँग नै फरक मत भएको भन्दै राष्ट्रपति निर्वाचनमा सहभागी नहुने निर्णय भएको बताए ।
बैठकपछि सञ्चारकर्मीसँग कुरा गर्दै राष्ट्रपतिलाई सेरोमोनियल, निष्पक्ष संस्थाको रुपमा परिकल्पना गरेको छ तर, विगतको अभ्यासले यो कुरा पुष्टि नगरेको बताए । आगामी दिनमा पनि यसले निरन्तरता पाउने विषयमा पनि बैठकमा छलफल भएको जानकारी गराए ।
राप्रपाले भोलि फागुन २५ गते हुन गइरहेको राष्ट्रपति निर्वाचनको सम्बन्धमा यस्तो निर्णय गरेको हो।
यो खबर पढेर तपाईलाई कस्तो महसुस भयो ?
+1
+1
+1
+1
+1
