काठमाडौं, फागुन २४ । सर्वोच्च अदालतले रवि लामिछानेविरुद्धको फैसलाको पूर्णपाठ मंगलबार सार्वजनिक गर्दै उनको राहदानी अनुसन्धानकै क्रममा रहेकाले थप भन्न आवश्यक नरहेको बताएको छ ।
रवि लामिछानेको नागरिकता विवादसँगै राहदानीको मुद्दा पनि चर्चामा आएको छ । नागरिकता मुद्दामा सर्वोच्चमा बहसको क्रममा राहदानीको मुद्दा पनि व्यापक रूपमा उठेको थियो।
लामिछानेले अमेरिकी राहदानी बोकेर पनि पुरानो नेपाली नागरिकताका आधारमा नेपाली राहदानी लिएको मुद्दा उठेको थियो । सर्वोच्च अदालतले राहदानीका विषयमा थप भन्न आवश्यक नरहेको उल्लेख गरेको छ । ‘झूटो सूचना दिएर राहदानी वा ट्राभल परमिट लिने व्यवस्थाका सम्बन्धमा प्रचलित कानुनबमोजिम रिपोर्ट गर्नुपर्ने विषय रहेको पाइएको छ र राहदानीको विषयमा पनि जवाफबाट अनुसन्धान भइरहेको छ ।
Published Date: 08 March 2023
