काठमाडौँ, फागुन १७ । “सेल्फी” लाल जूनियर द्वारा निर्देशित मलयालम चलचित्र “ड्राइभिङ लाइसेन्स” (२०१९) को हिन्दी रिमेक हो, जसमा पृथ्वीराज सुकुमारन र सुरज भेन्जारामुडु थिए।
चलचित्र ‘सेल्फी’ धेरै हिसाबले फरक छ । चलचित्र ‘सेल्फी’ हेरेर सन् २०१६ मा प्रदर्शनमा आएको शाहरुख खानको अभिनीत चलचित्र ‘फ्यान’को याद आउनेछ । जसमा शाहरुखको सबैभन्दा ठूलो फ्यान नै उनको सबैभन्दा ठूलो शत्रु बनेको देखाइएको थियो । चलचित्रको पहिलो हाफ निकै रोचक छ भने दोस्रो हाफमा चलचित्रको कथामा खासै नयाँ कुरा पाइँदैन ।
चलचित्रमा अक्षयकुमारलाई सुपरस्टारको भूमिका सुहाएको छ । उनले राम्रो काम गरेका छन् । त्यस्तै इमरान हास्मीले सोचेजस्तो अभिनय गरेको देखिँदैन । उनको अभिनय फिक्का छ । नुसरत भरुचा र डायनाको चलचित्रमा केवल नायकसँग नृत्य गर्नका लागि मात्र राखिएको हो कि जस्तो लाग्छ । चलचित्रको सुरु र अन्त्यमा रहेका दुईवटा आइटम गीतले भने पक्कै पनि दर्शकलाई आकर्षित बनाउँछ ।
Published Date: 01 March 2023
