काठमाडौं, साउन १२ । नेपाली बजारमा मंगलबार सुन र चाँदी दुवैको मूल्यमा गिरावट आएको छ । नेपाली सुन-चाँदी व्यवसायी महासंघले सार्वजनिक गरेको नयाँ मूल्यसूचीअनुसार छापावाल सुनको मूल्य प्रतितोला ४ हजार ३०० रुपैयाँले घटेको हो ।
महासंघका अनुसार आज छापावाल सुन प्रतितोला २ लाख ८४ हजार २०० रुपैयाँ कायम भएको छ। सोमवार यही सुन प्रतितोला २ लाख ८८ हजार ५०० रुपैयाँ मा कारोबार भएको थियो । आज १० ग्राम सुनको मूल्य २ लाख ४३ हजार ६५५ रुपैयाँ निर्धारण गरिएको छ ।
यस्तै, चाँदीको मूल्यमा पनि सामान्य गिरावट आएको छ । अघिल्लो कारोबार दिन प्रतितोला ४ हजार ४४५ रुपैयाँ रहेको चाँदी आज ४ हजार ३१० रुपैयाँ मा झरेको महासंघले जनाएको छ । यसअनुसार चाँदीको मूल्य प्रतितोला १३५ रुपैयाँ ले घटेको हो ।
Published Date: 28 July 2026
