भक्तपुर, साउन ११ । रोटर्याक्ट क्लब अफ भक्तपुरको २१औँ पदस्थापना समारोह भव्य रूपमा सम्पन्न भएको छ। कार्यक्रमको अवसरमा रोटर्याक्टर सोनिया प्रजापतिलाई रोटर्याक्ट वर्ष २०२६–२७ का लागि क्लबको अध्यक्ष पदको जिम्मेवारी औपचारिक रूपमा हस्तान्तरण गरिएको छ।
समारोहमा क्लबका निवर्तमान पदाधिकारीहरूले नव–निर्वाचित नेतृत्वलाई बधाई तथा सफल कार्यकालको शुभकामना व्यक्त गरेका थिए। सो अवसरमा क्लबका नयाँ बोर्ड अफ डाइरेक्टरको समेत पदस्थापना गरिएको थियो। नयाँ कार्यसमितिले आगामी कार्यकालमा सामाजिक सेवा, युवा सशक्तीकरण तथा सामुदायिक विकासका कार्यक्रमहरूलाई प्राथमिकता दिने प्रतिबद्धता जनाएको छ।
कार्यक्रममा विभिन्न रोटरी तथा रोटर्याक्ट क्लबका प्रतिनिधि, सामाजिक व्यक्तित्व, पूर्वअध्यक्षहरू तथा सदस्यहरूको उल्लेखनीय उपस्थिति रहेको थियो। सहभागीहरूले क्लबले विगतमा गरेका सामाजिक कार्यहरूको प्रशंसा गर्दै आगामी दिनमा अझ प्रभावकारी रूपमा समाजसेवामा सक्रिय रहने विश्वास व्यक्त गरेका छन्।
Published Date: 27 July 2026
