काठमाडौँ, असार ३० । आजपनि नेपाली बजारमा सुनचाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ८४ हजार रुपैयाँ कायम भएको छ ।यो मूल्य अघिल्लो दिनको तुलनामा १२ सय रुपैयाँले कम हो ।
यस्तै आज १० ग्रामको मूल्य २ लाख ४३ हजार ४८५ रुपैयाँ रहेको छ।
यसअघि सोमबार छापावाल सुन प्रतितोला २ लाख ८५ हजार २०० रुपैयाँमा कारोबार भएको थियो।
यस्तै आज चाँदी पनि सस्तिएको छ । चाँदीको भाउ १५ रुपैयाँले घट्दै प्रतितोला ४ हजार ३६० रुपैयाँमा सीमित बनेको छ ।
Published Date: 14 July 2026
