काठमाडौँ, असार १६ । सेयरबजार परिसूचक नेप्से लगातार घटेर २६ सय विन्दु नजिक आएको छ । मंगलबार नेप्से २४.६३ अंकले घटेर २ हजार ६०८.३३ विन्दुमा कायम भएको हो । आज सेयरबजारमा ३६५ कम्पनीका सेयर कारोबार भएका छन् । यी मध्ये ३५ कम्पनीका सेयरमूल्य बढेका छन् भने २३५ कम्पनीका सेयरमूलयमा गिरावट आएको छ ।
आज कुल ८७ लाख ३७ हजार ३९२ कित्ता सेयर ३ अर्ब २५ करोड ८७ लाख ५८ हजार रुपैयाँमा किनबेच भएको छ । कारोबार रकम सोमबारको तुलनामा २२ प्रतिशतले बढी हो । आज सेयरबजारमा सूचीकृत सबै समूहको परिसूचक ओरालो लागेका छन् ।
सबैभन्दा धेरै व्यापार समूहको परिसूचक १.७४ प्रतिशतले घटेको छ । स्नो रिभर्स लिमिटेड, कर्पोरेट डेभलपमेन्ट बैंक तथा स्वभिामान लघुवित्त वित्तीय संस्थाका सेयरधनीले सबैभन्दा बढी कमाएका छन् । सबैभन्दा बढी गुमाउनेमा टक्सार पिखुवाखोला हाइड्रोपावर लिमिटेड, याम्बालिङ हाइड्रोपावर तथा सोपान फर्मास्युटिकल्स्का सेयरधनी रहेका छन् ।
Published Date: 30 June 2026
