काठमाडौँ, असार १६ । स्थानीय बजारमा सुनको मूल्यमा उच्च गिरावट आएको छ । मंगलबार अघिल्लो दिनको तुलनामा सुन ४ हजार ५ सय रुपैयाँले सस्तिएको हो ।
नेपाल सुनचाँदी व्यवसायी महासंघका अनुसार आज यो गिरावटसँगै सुनको भाउ प्रतितोला २ लाख ७७ हजार ९ सय रुपैयाँ निर्धारण भएको छ ।
अघिल्लो दिन भने एक तोला सुनको मूल्य २ लाख ८२ हजार ४ सय रुपैयाँ कायम थियो ।
यस्तै आज १० ग्राम सुनको मूल्य २ लाख ३८ हजार २५५ रुपैयाँ कायम भएको छ ।
सुनसँगै आज चाँदी पनि सस्तिएको छ । चाँदीको भाउ २५ रुपैयाँले घट्दै प्रतितोला ४ हजार २८५ रुपैयाँमा सीमित बनेको छ ।
Published Date: 30 June 2026
