काठमाडौं, असार ३ । सरकारले रुग्ण उद्योग पुनः सञ्चालन अभियानअन्तर्गत हेटौंडा कपडा उद्योगलाई यसै वर्ष सञ्चालनमा ल्याउने तयारी गरेको जनाएको छ।
प्रतिनिधिसभामा बोल्दै उद्योaग, वाणिज्य तथा आपूर्तिमन्त्री गौरी कुमारी ले हेटौंडा कपडा उद्योगसँगै बुटवल धागो उद्योग र कपास खेती कार्यक्रम पनि यसै वर्ष सञ्चालनमा ल्याइने बताइन्।
उनका अनुसार सात सरकारी उद्योगको सम्पत्ति तथा दायित्व मूल्यांकन भइरहेको छ भने अध्ययनपछि उपयुक्त मोडालिटीमार्फत ती उद्योग सञ्चालनमा ल्याइनेछ। साथै पेट्रोलियम भण्डारण क्षमता विस्तार, औद्योगिक क्षेत्र विकास, खानी तथा पेट्रोलियम अन्वेषण र साना–मझौला उद्योगलाई सहुलियतपूर्ण विद्युत् उपलब्ध गराउने कार्यलाई पनि सरकारले प्राथमिकता दिएको छ।
