काठमाडौं, असार ३ । समस्याग्रस्त सहकारी व्यवस्थापन समितिले जेठ २०८३ मा १ करोड २० लाख ४६ हजार रुपैयाँ कर्जा असुली गर्दै ५९ लाख ४ हजार रुपैयाँ बचत फिर्ता गरेको छ।
समितिका अनुसार १० हजार रुपैयाँभन्दा कम बचत भएका ८ सहकारीका १ हजार ४५२ बचतकर्तालाई रकम फिर्ता गरिएको हो। साथै १२२ जनाको ५१ लाख ५१ हजार रुपैयाँ बचत मिलान गरिएको छ।
हालसम्म १४ समस्याग्रस्त सहकारीमध्ये ६ सहकारीका साना बचतकर्ताको रकम फिर्ता सम्पन्न भइसकेको छ भने बाँकी सहकारीको मागदाबी प्रमाणीकरण तथा रकम फिर्ताको प्रक्रिया जारी रहेको समितिले जनाएको छ। साथै सहकारीका ऋणी तथा बचत अपचलनमा संलग्न व्यक्तिहरूको सम्पत्ति खोजी र व्यवस्थापन कार्य पनि अघि बढाइएको छ।
