काठमाडौं, जेठ ८ । नेपाल मेडिकल काउन्सिल ले गैरकानुनी रूपमा ‘डा.’ वा ‘चिकित्सक’ उपाधि प्रयोग गर्नेहरूमाथि कडा कारबाही गर्ने चेतावनी दिएको छ । काउन्सिलमा दर्ता नभई उक्त उपाधि प्रयोग गर्ने, बिरामी जाँच्ने वा औषधि सिफारिस गर्ने व्यक्तिलाई ३ वर्षसम्म कैद, ३ हजार रुपैयाँसम्म जरिवाना वा दुवै सजाय हुन सक्ने जनाएको हो ।
काउन्सिलले १५ दिनभित्र साइनबोर्ड, प्रेस्क्रिप्सन, भिजिटिङ कार्ड तथा फेसबुक, टिकटक, इन्स्टाग्रामलगायत सामाजिक सञ्जालबाट ‘डा.’ उपाधि हटाउन निर्देशन दिएको छ । त्यसपछि विशेष अनुगमन टोलीमार्फत निगरानी गरिने काउन्सिलले जनाएको छ ।
Published Date: 22 May 2026
