अध्यागमनमा डिजिटल टाइम कार्ड कार्यान्वयनमा

अध्यागमनमा डिजिटल टाइम कार्ड कार्यान्वयनमा : Icon Khabar

काठमाडौं, जेठ ७ । अध्यागमन विभागले डिजिटल टाइम कार्ड कार्यान्वयनमा ल्याएको छ । बिहीबार विभागमा एक कार्यक्रम गर्दै टाइम कार्ड कार्यान्वयनमा ल्याइएको हो ।

१३ चैतमा सरकारले सार्वजनिक गरेको शासकीय सुधार सम्बन्धी १०० औं बुदाका २३ औं नम्बरमा सार्वजनिक सेवाका प्रक्रियालाई डिजिटल, ट्रयाकिङ योग्य र पारदर्शी बनाई समय र गति समेत जानकारी दिने बताइएको थियो ।

सोही अनुसार डिजिटल टाइम कार्ड कार्यान्वयनमा ल्याइएको विभागका प्रवक्ता टिकाराम ढकालले बताए ।

यो टाइम कार्ड लागु भएसँगै सेवाग्राहीदेखि कार्यालयलाई समेत फाइदा पुग्ने बताइएको छ ।

आवेदनको रियल टाइममा जाँच गर्न सकिने, कार्य सम्पन्न हुने लाग्ने अनुमानित समय थाहा हुने, डिजिटल टाइमकार्ड मार्फत नै शुक्त भुक्तानी हुने, हरेक चरणको सूचना तत्काल थाहा हुने, बारम्बार काउन्टरमा सोधपुछ गर्ने समस्याबाट सेवाग्राही मुक्त हुने बताइएको छ ।

त्यस्तै कार्यालयतर्फ पनि जिम्मेवारी र जवाफदेहिता थप सुदृढ हुने, तथ्यांकमा आधारित कार्यसम्पादन मुल्यांकन, सेवा प्रवाहमा गति र दक्षता वृद्धि हुने, नागरिकको विश्वास र पारदर्शीता प्रबद्धन हुने, कस्टमर फस्टअनुसार कार्यसम्पादन हुने बताइएको छ ।

यसको प्रयोगका लागि क्युआर गर्न सकिने विभागले जनाएको छ । प्रत्येक शाखाका प्रतिक्षालयमा राखिएको क्यूआर स्क्यान गरेर आवेदन ट्रयाक गर्न सकिने बताइएको छ । त्यस्तै विभागको वेबसाइडमा गएर पनि काम गर्न सकिने बताइएको छ ।

Published Date: 21 May 2026
Website | + posts




ताजा
सुन र चाँदीको मूल्यमा भारी गिरावट, एकैदिन सुन तोलामा ६ हजार ३०० रुपैयाँले घट्यो
‘वाक ग्रिन, किप इट क्लिन’ नारासहित बोकाचो गढीमा मिस्टर एण्ड मिस मोडर्नको पदयात्रा
आजदेखि काठमाडौं उपत्यकाका तीन जिल्लामा पशु वधशाला तथा मासु जाँच ऐन लागू
फाइनल यात्राका लागि लुम्बिनी र सुदूरपश्चिमबीच महासंग्राम, पहिलो क्वालिफायरमा कसले मार्ला बाजी?


ट्रेन्डिङ
एउटै उपत्यका, तिहार मनाउने फरक–फरक मिति : भक्तपुर, काठमाडौं र ललितपुरमै किन मिलेन पर्वको साइत ?
भक्तपुरमा कार्तिक २२ गते लक्ष्मी पूजा, २३ गते म्हः पूजा र २४ गते किजा पूजा मनाइने
भिन्तुनाको नाममा विकृति कि उत्सव? टौमढीमा पटाका पड्किएपछि प्रशासनमाथि प्रश्नैप्रश्न
अनुशासन, आत्मनिर्भरता र सेवाभाव सिकाउँदै ककनीमा दोस्रो स्काउट फ्रेन्डसिप क्याम्प सम्पन्न