भक्तपुर, वैशाख २९ । भक्तपुर क्षेत्र नं. १ का सांसद रुकेश रञ्जितले भक्तपुरमा सञ्चालनमा रहेका मापदण्डविपरीतका इँटाभट्टा तत्काल बन्द गर्न सरकारसँग माग गरेका छन्।
प्रतिनिधि सभाको आजको बैठकमा बोल्दै सांसद रञ्जितले भक्तपुर जिल्लामा बढ्दो वायु प्रदूषणको प्रमुख कारण अव्यवस्थित तथा मापदण्डविपरीत सञ्चालन भइरहेका इँटाभट्टा रहेको बताएका हुन्।
उनले स्थानीय बासिन्दाको स्वास्थ्यमा गम्भीर असर परेको उल्लेख गर्दै वातावरण संरक्षण तथा जनस्वास्थ्यलाई ध्यानमा राखी यस्ता इँटाभट्टामाथि तत्काल कारबाही गर्न सरकारको ध्यानाकर्षण गराएका छन्।
Published Date: 12 May 2026
