भक्तपुर, वैशाख २९ । भक्तपुर कटुन्जे तीनधारास्थित युनिटी इङ्ग्लिस सेकेण्डरी स्कुलका छात्र विशाल थापा ले माध्यमिक शिक्षा परीक्षा (एसईई ) २०८२ मा उत्कृष्ट नतिजा हासिल गर्दै जिपिए ४.० प्राप्त गरेका छन्।
विद्यालयका अनुसार विशालको यस उल्लेखनीय सफलताले विद्यालय परिवारलाई गौरवान्वित बनाएको छ। विद्यालयले उनको मेहनत, अनुशासन, लगनशीलता तथा समर्पणको प्रशंसा गर्दै हार्दिक बधाई तथा उज्ज्वल भविष्यको शुभकामना व्यक्त गरेको जनाएको छ।
यसअघि वि.सं. २०८० सालमा पनि सोही विद्यालयका छात्र आशिष थापा क्षेत्री ले एसईईमा ४ जीपीए सहित उत्कृष्ट अंक हासिल गरेका थिए।
विद्यालय प्रशासनले विशालको सफलताले अन्य विद्यार्थीहरूलाई समेत थप प्रेरणा मिल्ने विश्वास व्यक्त गरेको छ। साथै, यस उपलब्धिमा योगदान पुर्याउने अभिभावक, शिक्षक तथा सम्पूर्ण विद्यालय परिवारलाई पनि बधाई ज्ञापन गरिएको कुरा विद्यालयका प्रिन्सिपल बिपिन गुमान्जुले बताए।
Published Date: 12 May 2026
