काठमाडौँ, वैशाख २८ । काठमाडौंस्थित त्रिभुवन अन्तर्राष्ट्रिय विमानस्थलमा अवतरणका क्रममा टर्किस एयरलाइन्सको एक जहाजमा आगलागी भएको छ। आज बिहान करिब पौने सात बजे स्तानबुलबाट आएको उक्त जहाज ल्याण्ड गर्ने क्रममा पाङ्ग्राबाट आगो निस्किएको विमानस्थल सुरक्षा स्रोतले जनाएको छ।
आगो देखिएलगत्तै विमानस्थलमा तयारी अवस्थामा रहेका दमकल प्रयोग गरी आगो नियन्त्रणमा लिइएको थियो। घटनापछि जहाजमा रहेका यात्रुहरुलाई इमर्जेन्सी ढोका खोलेर सुरक्षित रूपमा बाहिर निकालिएको थियो।
विमानस्थल स्रोतका अनुसार जहाजमा सवार सबै यात्रु सकुशल रहेका छन्। आगलागीको कारण तथा जहाजको प्राविधिक अवस्थाबारे थप अनुसन्धान भइरहेको बताइएको छ।
Published Date: 11 May 2026
