भक्तपुर, चैत २० । भक्तपुरमा हरेक वर्ष मनाइने ऐतिहासिक बिस्का: जात्रा को तयारी तीव्र गतिमा अघि बढिरहेको छ। नौ दिन आठ रातसम्म चल्ने यो जात्रा चैत २७ गतेबाट सुरु हुने भएको छ।
जात्राका लागि आवश्यक भैरव र भद्रकाली का रथ निर्माण कार्य चैत २६ गतेभित्र सम्पन्न गरिने जनाइएको छ। चैत २७ गते तान्त्रिक विधिअनुसार भैरवनाथको रथमा खड्ग, तरबार र निसान राखेपछि अपराह्नदेखि रथ तान्ने क्रम सुरु गरिने परम्परा रहेको छ।
जात्राको अन्तिम दिन वैशाख ५ गते पाँचतले मन्दिर नजिकैको टौमढी क्षेत्रबाट भैरवको रथ करिब दुई सय फिट लामो चार–चारवटा डोरीले बाँधेर माथिल्लो र तल्लो टोलका बासिन्दाले आ–आफ्नो क्षेत्रतर्फ तान्ने चलन छ। यस परम्पराले जात्राको मुख्य आकर्षण झल्काउने गर्दछ।
Published Date: 03 April 2026
