काठमाडौं, चैत २० । सांसद डीपी अर्याल सभामुख पदमा निर्विरोध चयन भएका छन्, यद्यपि औपचारिक घोषणा हुन बाँकी छ।
सभामुखका लागि तोकिएको समयभित्र अर्यालको मात्र उम्मेदवारी परेपछि उनी निर्विरोध भएका हुन्। प्रतिनिधिसभाको आगामी बैठक (आइतबार) मा औपचारिक घोषणा गरिनेछ।
सभामुख चयनपछि उपसभामुखको निर्वाचन प्रक्रिया अगाडि बढ्नेछ। प्रावधानअनुसार सभामुख र उपसभामुख फरक दल र फरक लिङ्गका हुनुपर्ने व्यवस्था छ।
निर्वाचनपछि सभामुखले राष्ट्रपतिसमक्ष शपथ लिनेछन् भने उपसभामुखले सभामुखसमक्ष शपथ लिनेछन्।
Published Date: 03 April 2026
