काठमाडौँ, चैत १९ । राष्ट्रिय स्वतन्त्र पार्टीका सभापतिसमेत रहेका सांसद रवि लामिछाने आज संसदमा बोल्ने भएका छन्। आज दिउँसो २ बजे प्रतिनिधि सभा बैठक बस्दैछ।
आजको बैठकमा दलका शीर्ष नेता बोल्ने कार्यक्रम छ। रास्वपा प्रवक्ता मनिष झाका अनुसार सभापति लामिछाने आज संसदमा बोल्ने कार्यक्रम छ। संघीय संसद सचिवालले लामिछानेलाई संसद प्रवेशमा कुनै रोकतोक नभएको जनाएको छ।
लामिछाने फागुन २१ गतेको प्रतिनिधि सभा निर्वाचनमा चितवन २ बाट निर्वाचित भएका थिए।
Published Date: 02 April 2026
