काठमाडौं, चैत १५ । खाडी युद्धका कारण उत्पन्न इन्धन अभावले विश्व अर्थतन्त्र मन्दीमा जाने चिन्ता बढेको छ, जसको असर नेपालमा पनि देखिन थालेको छ। इन्धन महँगीसँगै ढुवानी र उत्पादन लागत बढ्दै गएको छ।
यसैबीच, कोभिड–१९पछि पुनः उकासिँदै गरेको नेपालको पर्यटन क्षेत्रमा पनि नयाँ संकट देखिएको छ। इरानमाथि अमेरिका र इजरायलको आक्रमणपछि खाडी क्षेत्रमा तनाव बढ्दा पर्यटक आगमन घट्ने संकेत देखिएको छ।
होटेल अकुपेन्सी ८०–१०० प्रतिशतबाट घटेर करिब ४०–५० प्रतिशतमा झरेको छ भने ट्रेकिङ बुकिङहरू पनि धमाधम रद्द भइरहेका छन्। मुख्य पर्यटकीय सिजनमै उडान रद्द हुन थालेपछि पर्यटन व्यवसायी चिन्तित बनेका छन्।
Published Date: 29 March 2026
