काठमाडौँ, चैत ९ । साताको दोस्रो कारोबार दिन सोमबार सेयरबजार परिसूचक नेप्से सामान्य अंकले बढेको छ । आज नेप्से ५.०१ अंकले बढेर २ हजार ९३६.५६ विन्दुमा कायभ भएको छ । आज सेयरबजारमा ३४२ कम्पनीका सेयर कारोबार भएका छन् ।
यी मध्ये १०२ कम्पनीका सेयरमूल्य बढेका छन् भने १५४ कम्पनीका सेयरमूल्यमा गिरावट आएको छ । आज सेयरबजारमा ३ करोड ८० लाख ७३ हजार ९४५ कित्ता सेयर १५ अर्ब ७८ करोड ६३ लाख १३ हजार रुपैयाँमा किनबेच भएको छ । कारोबार रकम आइतबारको तुलनामा ३३ प्रतिशतले कमी हो ।
आज सेयरबजारमा सुचीकृत समुहगत परिसूचकमध्ये वित्त, जलविद्युत, लगानी, उत्पादनशील तथा प्रशोधन, लघुवित्त, म्युचुअल फण्ड तथा अन्य समूहको परिसूचक बढेका छन् । वाणिज्य बैंक, विकास बैंक, जीवन बीमा, निर्जीवन बीमा तथा व्यापार समूहको परिसूचक भने ओरालो लागेका छन् ।
सालपा विकास बैंक, रिलायन्स् स्पिनिङ् मिल्स् तथा सोलु हाइड्रोपावरका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने सनराईज फस्ट म्युचुअल फण्ड, कुमारी धनवृद्धि योजना तथा सिन्धु विकास बैंकका सेयरधनी रहेका छन् ।
Published Date: 23 March 2026
