भक्तपुर, चैत ९ । भक्तपुरमा आगामी बिस्का जात्रा लाई व्यवस्थित, मर्यादित र शान्तिपूर्ण रूपमा सम्पन्न गर्न सोमबार सरोकारवालाबीच छलफल भएको छ। कार्यक्रममा भक्तपुर नगरपालिकाका नगर प्रमुख सुनिल प्रजापतिले सहरलाई सफा र सुन्दर बनाउन बजार क्षेत्रमा छत एकरूप बनाउने काम भइरहेको जानकारी दिए।
अव्यवस्थित रूपमा फैलिएका केबल तथा तार व्यवस्थापन आवश्यक रहेकोमा जोड दिँदै वडाध्यक्ष रविन्द्र ज्याख्वले अनावश्यक तार हटाउनुपर्ने बताए। प्रमुख प्रशासकीय अधिकृत वसन्त भट्टराईले पनि तार व्यवस्थापनले सहर सुन्दर बनाउनुका साथै दुर्घटना जोखिम घटाउने उल्लेख गरे।
बैठकले जात्राका क्रममा तारमा हुनसक्ने क्षति कम गर्न अनावश्यक तार हटाउने र व्यवस्थित गर्ने निर्णय गर्दै दिलिप सुवालको संयोजकत्वमा सात सदस्यीय समिति गठन गरेको छ।
Published Date: 23 March 2026
