काठमाडौं, फागुन २७ । लगानीकर्ताहरु नाफा बुक गर्न उत्साहित हुँदा सेयर बजार परिसूचक नेप्सेमा चाप परेको छ ।
आज बुधबार नेप्से ४६.७८ अंकले घटेर २ हजार ७९६.५७ विन्दुमा कायम भएको हो । हिजो पनि नेप्से उच्च अंकले घटेको थियो भने कारोबार रकम पनि उच्च थियो ।
आज बजारमा ३२९ कम्पनीका सेयर कारोबार भएका छन् । यी मध्ये ३४ कम्पनीका सेयर मूल्य बढेका छन् भने २२५ कम्पनीका सेयर मूल्यमा गिरावट आएको छ ।
आज सेयर बजारमा ३ करोड ६० लाख ४९ हजार ४५१ कित्ता सेयर १३ अर्ब १८ करोड २ लाख ५५ हजार रुपैयाँमा किनबेच भएको छ । कारोबार रकम हिजोको तुलनामा झण्डै ३९ प्रतिशत कम हो ।
Published Date: 11 March 2026
