भक्तपुर, फागुन १९ । विशेष सूचनाको आधारमा नेपाल प्रहरी र सशस्त्र प्रहरी बलको संयुक्त टोलीले भक्तपुरबाट हतियारसहित एक जनालाई पक्राउ गरेको छ ।
प्रहरीका अनुसार मिति २०८२ फागुन १९ गते बिहान करिब ९ बजे हतियार लुकाईछिपाई राखेको भन्ने सूचनाका आधारमा गरिएको संयुक्त अपरेसनका क्रममा गोरखा जिल्लाको पालुङटार नगरपालिका–९ घर भई हाल भक्तपुरको सूर्यविनायक नगरपालिका–८ भुम्डोल बस्दै आएका ३१ वर्षीय आयन सेढाईलाई नियन्त्रणमा लिइएको हो ।
उनको साथबाट A8896 नम्बरको इन्सास राइफलसहित विभिन्न सामग्री बरामद गरिएको प्रहरीले जनाएको छ ।
बरामद सामग्रीमा एसएलआर राइफलका ४ राउण्ड गोली, प्लास्टिक राउण्ड १ थान, सटगनमा प्रयोग हुने १ राउण्ड, खुकुरी १ थान, खुकुरीको दाप २ थान, बन्चरो १ थान तथा लागूऔषध प्रयोगमा प्रयोग हुने ५ थान सिरिन्ज रहेका छन् ।
घटनाबारे थप अनुसन्धान कार्य भइरहेको प्रहरीले जनाएको छ ।
Published Date: 03 March 2026