काठमाडौं, फागुन १९ । फेब्रुअरी २०२६ मा नेपालमा १ लाख ५ हजार ४ सय ४१ पर्यटक भित्रिएका छन् । नेपाल पर्यटन बोर्डका अनुसार यो संख्या गत वर्षको सोही अवधिको तुलनामा ८.८ प्रतिशतले बढी हो।
फेब्रुअरी २०२५ मा ९६ हजार ८ सय ८० पर्यटक नेपाल आएका थिए । भारतीय पर्यटक आगमनमा १८.५ प्रतिशत वृद्धि हुँदा समग्र आगमन बढ्न सहयोग पुगेको बोर्डले जनाएको छ। यस अवधिमा भारतबाट २२ हजार ७ सय ४५ पर्यटक नेपाल आएका छन्।
चीन, श्रीलंका र म्यानमारबाट आउने पर्यटक संख्यामा उल्लेख्य सुधार देखिएको छ भने बंगलादेश, अमेरिका र अस्ट्रेलियाबाट आउने पर्यटक संख्या घटेको छ। बेलायतबाट आउने पर्यटक भने ११.१ प्रतिशतले बढेका छन्।
यस वर्ष जनवरीमा ९२ हजार ७ सय ५३ पर्यटक नेपाल भित्रिएका थिए भने फेब्रुअरीमा आगमन थप बढेर १ लाख ५ हजार ४ सय ४१ पुगेको छ।
Published Date: 03 March 2026
