म्यानचेस्टर सिटी तेस्रो स्थानमा उक्लियो

म्यानचेस्टर सिटी तेस्रो स्थानमा उक्लियो : Icon Khabar

काठमाडौं, जेठ ७ । म्यानचेस्टर सिटीले युइएफए च्याम्पियन्स लिगको छनोटको सम्भावनालाई थप मजबुत बनाएको छ।

सिटीले इंग्लिस प्रिमियर लिगमा मंगलवार एएफसी बर्नमाउथलाई ३-१ ले पराजित गर्दै तेस्रो स्थानमा उक्लिएको छ। बर्नमाउथको युरोपेली फुटबल खेल्ने आशा समाप्त भएको छ ।

घरेलु मैदानमा १४ औं‌ मिनेटमा ओमार मार्मुशको शानदार गोलले पेप ग्वार्डिओलाको टोलीलाई प्रारम्भिक अग्रता दिलायो।

क्लबका लागि अन्तिम घरेलु खेल खेलिरहेका केभिन डि ब्रुयनाले दोस्रो गोलको सुनौलो मौका गुमाए । तर त्यसपछि बर्नार्डो सिल्भाले ३८ औं मिनेटमा गोल गर्दै सिटीको अग्रता दोब्बर बनाए।

माटेओ कोभासिचको रातो कार्डका कारण डि ब्रुयनाको इटिहाड स्टेडियममा बिदाइ खेल समयअघि नै टुंगियो। तर, उनको स्थानमा मैदान प्रवेश गरेका निको गोन्जालेजले ८९औं मिनेटमा तेस्रो गोल गरे। त्यसअघि बर्नमाउथका लुइस कुकले पनि रातो कार्ड पाएका थिए। दुबै टोलीले १० खेलाडीमा खेलको अन्त्य गरे।

ड्यानियल जेब्बिसनले ११औं स्थानमा रहेको बर्नमाउथका लागि इन्ज्युरी समयको‌ छैटौं मिनेटमा एक सान्त्वना गोल फर्काए । सिटीका स्टार रोड्री लामो प्रतीक्षापछि बेञ्चबाट मैदानमा फर्किए।

सिटी ६८ अंकसहित तालिकाको तेस्रो स्थानमा उक्लियो। आइतवार फुलहममसँग सिजनको अन्तिम खेलबाट १ अंक जोडेमा सिटी शीर्ष ५ मा स्थान सुरक्षित हुनेछ।- एजेन्सी

Published Date: 21 May 2025
Website | + posts




ताजा
सुन र चाँदीको मूल्यमा भारी गिरावट, एकैदिन सुन तोलामा ६ हजार ३०० रुपैयाँले घट्यो
‘वाक ग्रिन, किप इट क्लिन’ नारासहित बोकाचो गढीमा मिस्टर एण्ड मिस मोडर्नको पदयात्रा
आजदेखि काठमाडौं उपत्यकाका तीन जिल्लामा पशु वधशाला तथा मासु जाँच ऐन लागू
फाइनल यात्राका लागि लुम्बिनी र सुदूरपश्चिमबीच महासंग्राम, पहिलो क्वालिफायरमा कसले मार्ला बाजी?


ट्रेन्डिङ
एउटै उपत्यका, तिहार मनाउने फरक–फरक मिति : भक्तपुर, काठमाडौं र ललितपुरमै किन मिलेन पर्वको साइत ?
भक्तपुरमा कार्तिक २२ गते लक्ष्मी पूजा, २३ गते म्हः पूजा र २४ गते किजा पूजा मनाइने
भिन्तुनाको नाममा विकृति कि उत्सव? टौमढीमा पटाका पड्किएपछि प्रशासनमाथि प्रश्नैप्रश्न
अनुशासन, आत्मनिर्भरता र सेवाभाव सिकाउँदै ककनीमा दोस्रो स्काउट फ्रेन्डसिप क्याम्प सम्पन्न