काठमाडौं, चैत २० । पछिल्लो केहीदिनयता काठमाडौंमा वायु प्रदूषण उच्च तहमै कायम रहेको छ । सोमबार र मंगलबार लगातार संसारकै प्रदूषित सहर बनेको काठमाडौं आज दोस्रो स्थानमा कायम रहेको छ ।
आज काठमाडौंको एयर क्वालीटी इन्डेक्स (एक्यूआई) २२३ पुगेको छ । आज सबैभन्दा धेरै भारतको दल्ली सहर वायु प्रदूषणको १ नम्बरमा परेको छ । आज दिल्लीको एयर क्वालिटी इन्डेक्स (एक्यूआई) ३२४ पुगेको छ ।
विश्व स्वास्थ्य संगठनको मापदण्डअनुसार एक्यूआई ३५ भन्दा कम हुनुपर्छ । ५० एक्यूआई सम्मलाई सामान्य मानिन्छ । त्यसभन्दा माथिको गुणस्तर एक्यूआई अस्वस्थकर हुने चिकित्सकको भनाइ छ ।
वायु प्रदूषणका कारणले फोक्सोमा क्यान्सर, मुटुसम्बन्धी रोग, मस्तिष्कघात, हृदयघात जस्ता समस्या देखिने भएकोले सजग रहन विज्ञहरुले आग्रह गर्ने गरेका छन् ।
Published Date: 02 April 2025
