काठमाडौं, फागुन १८ । नेप्से परिसूचक आइतबार ७५.२४ अंकले बढेको छ । यससँगै नेप्से सूचक २८९०.२८ अंकमा अर्थात करिब २९ सय विन्दु नजिक आएको छ।
बजार २.६७ प्रतिशतले बढेको हो । १४ अर्ब २५ करोड रुपैयाँभन्दा बढीको सेयर कारोबार भएको छ । आधा दर्जन कम्पनी सकारात्मक सर्किट लेबलमा कारोबार भएका छन् । म्युचुअल फन्डबाहेक बाँकी सबै समूहका सूचक बढेका छन् । उत्पादनमूलक समूहमा सबैभन्दा बढी वृद्धि भएको छ ।
आज ३०२ कम्पनीको २ करोड ९१ लाखभन्दा बढी कित्ता सेयर कारोबार भएको छ । ९७ करोड ५३ लाख रुपैयाँभन्दा बढीसहित कारोबार रकममा नेपाल पुनर्बिमा कम्पनी अग्रस्थानमा आएको छ। यसैगरी, दोस्रो र तेस्रो स्थानमा क्रमशः हिमालयन रिइन्सुरेन्स र सिन्धु विकास बैंक परेका छन् ।
Published Date: 02 March 2025
