काठमाडौँ, फागुन १८ । लाखौं ग्राहक भएको भिडियो–कलिङ ऐप स्काइप आगामी मे देखि बन्द हुने भएको छ । स्काइपको मालिक माइक्रोसफ्टले यस्तो घोषणा गरेको हो ।
कुनैबेला स्काइप विश्वकै चर्चित वेबसाइटका रुपमा रहेको थियो । यसको सहायताले मानिसहरुले आफ्नो कम्प्युटरबाट साथी तथा परिवारलाई भ्वाइस कल गर्न सक्थे । यस्तो सेवा प्रदान गर्ने स्काइप पहिलो तथा एकमात्रै कम्पनी भने थिएन । यद्यपी कम्पनीले आम सर्वसाधारणलाई एक कम्प्युटरबाट अर्को कम्प्युटरमा निःशुल्क कल गर्ने सुविधा उपलब्ध गराएको थियो । कम्पनीको यो अवधारण चर्चित भएको थियो ।
कम्पनीले एक्समा एक सूचना जारी गर्दै स्काइपका प्रयोगकर्ताले च्याटहरु र कन्ट्याक्टहरु जोडिरहन माइक्रोसफ्ट टीमसँग साइनअप गर्न सक्ने जनाएको छ ।
Published Date: 02 March 2025
