काठमाडौं, फागुन ८ । किलियन एमबाप्पेको ह्याट्रिकमा स्पेनिस क्लब रियल मड्रिड च्याम्पियन्स लिगको अन्तिम १६ मा पुगेको छ।
रियलले इंग्लिस क्लब म्यानचेस्टर सिटीलाई दोस्रो लेगमा बुधवार ३-१ ले हराएको छ। रियल प्लेअफमा समग्र ६-३ ले अगाडि रह्यो । पहिलो लिगमा रियल ३-२ ले विजयी भएको थियो ।
खेलको चौथो, ३३औं र ६१औं मिनेटमा गोल गर्दै एमबाप्पेले ह्याट्रिक पूरा गरे। सिटीका लागि इन्ज्युरी समयमा निको गोन्जालेजले गोल गरे ।
रियलले क्वाटरफाइनलमा प्रवेशका लागि एट्लेटिको मड्रिड वा जर्मन क्लब लेभरकुसेनको समना गर्नेछ।
डर्टमन्ड, पेरिस सेन्ट जर्मन (पिएसजी) र पिएसभी अन्तिम १६ मा पुगेका छन् । दोस्रो लेगमा स्पोर्टिङसँग गोलरहित बराबरी खेले पनि समग्रमा ३-० को अग्रताले अघि बढ्यो।
ब्रेस्ट लाई ७-० ले हराएको पिएसजी समग्रमा १०-० को नतिजासहित अघि बढ्यो। युभेन्ट्सलाई दोस्रो लेगमा ३-१ ले हराएको पिएसभीले समग्रमा ४-३ अग्रता बनायो।
