काठमाडौं, फागुन ५ । सोमबार नेप्से परिसूचक २९.८७ विन्दुले बढेपछि नेप्से सूचक सजिलै २७२७.९१ अंकमा आएको छ । लार्ज क्यापका कम्पनीहरु चल्न थालेसँगै सेयर बजारमा पनि उत्साह थपिएको हो ।
आज ६ वटा कम्पनीमा सकारात्मक सर्किट लागेको छ । १३ मध्ये १० वटा समूहका सूचक बढेका छन् । वाणिज्य बैंक समूह २.१६ प्रतिशतले बढेको छ । १० अर्ब रुपैयाँभन्दा बढीको सेयर कारोबार भएको छ । सोमबार विशेषगरी वाणिज्य बैंकसँगै बिमा कम्पनीहरुमा पनि वृद्धि देखिएको छ ।
आज ३०२ कम्पनीको १ करोड ८० लाखभन्दा बढी कित्ता सेयर कारोबार भएको छ । ३२ करोड ६४ लाख रुपैयाँभन्दा बढीसहित कारोबार रकममा नेपाल पुनर्बिमा कम्पनी अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः सीइडीबी होल्डिङस र एनआरएन इन्फ्रास्टक्चर परेका छन् ।
Published Date: 17 February 2025
