काठमाडौँ, माघ ४ । एमाड डियालोको ह्याट्रिक सहयोगमा इङ्ग्लिस प्रिमियर लिग(इपिएल) मा म्याचेस्टर युनाइटेडले सहज जित हासिल गरेको छ ।
शुक्रवार बिहान घरेलु मैदानमा भएको खेलमा युनाईटेडले साउथह्याम्पटनमाथि ३-१ को जित निकालेको हो । घरेलु टोलीलाई जित दिलाउँन डियालोले ह्याट्रिक पूरा गरे । पाहुना टोली साउथह्याम्पटनका लागि युनाईटेडले १ गोल उपाहार स्वरुप दिएको थियो ।
खेलमा युनाइटेडका म्यानुअल उगार्टेको आत्मघाती गोलमा साउथह्याम्पटनले सुरुवाती अग्रता लिएको थियो । डियालोले ८२औं, ९०औं र दोस्रो हाफको इन्ज्युरी समयमा गोल गर्दै ह्याट्रिक पूरा गरेका थिए ।
जितसँगै युनाइटेड २१ खेलमा २६ अंकका साथ १२औं स्थानमा छ । पराजित साउथह्याम्पटन २१ खेलमा ६ अंकका साथ तालिकाको पुछारमा रहेको छ ।– एजेन्सी
यो खबर पढेर तपाईलाई कस्तो महसुस भयो ?
+1
+1
+1
+1
+1
