हेलिकप्टर उडान गर्न नदिएपछि सगरमाथा क्षेत्रमा हवाईजहाज उडान पनि रोक्ने चेतावनी

काठमाडौं, माघ ३ । सगरमाथा क्षेत्रमा व्यावसायिक हेलिकप्टर उडान गर्न नदिएको भन्दै वायुसेवा कम्पनीहरूले हवाईजहाज उडान पूर्ण रूपमा रोक्ने चेतावनी दिएका छन् ।

सगरमाथा क्षेत्रका स्थानीय तहले १ जनवरी २०२५ देखि व्यावसायिक हेलिकप्टर उडान रोकेपछि हेलिकप्टर सेवा प्रदायक कम्पनीहरू उडान सुरक्षा प्रत्याभूति नभएसम्म आफैं पनि २१ पुसदेखि उडान नगर्ने घोषणा गरेका थिए । त्यसपछि जिल्ला प्रशासन कार्यालय सोलुखुम्बुले २२ पुसमा हेलिकप्टर उडान सहज बनाउछु भनेतापनि उडान हुन सकिरहेको थिएन।