काठमाडौं, मंसिर २२ । नेपाल प्रिमियर लिग(एनपिएल) को सातौं दिनको पहिलो खेलमा सुदूरपश्चिम रोयल्सविरुद्ध लुम्बिनी लायन्सले टस जितेको छ । कीर्तिपुरस्थिती टियु मैदानमा लुम्बिनीका कप्तान रोहितकुमार पौडेलले टस जितेर बलिङ रोजेका हुन् ।
लुम्बिनीले सुरुवाती दुवै खेलमा हार बेहोरेर दबाबमा छ। पहिलो खेलमा विराटनगर किंग्ससँग हारेको लुम्बिनीले पोखरा एभेन्जर्ससँगको खेल पनि गुमाएको थियो । सुदूरपश्चिम भने लगातार तेस्रो जित निकाल्दै शीर्ष स्थानमा उक्लिने लक्ष्यमा रहेको छ । सुदूरपश्चिमले पहिलो खेलमा विराटनगर र दोस्रोमा काठमाडौं गुर्खाजलाई पराजित गरेको थियो ।
लुम्बिनीले शुक्रवार पोखरा एभेन्जर्ससँग खेलेको टोलीमा १ परिवर्तन गरेको छ । लुम्बिनीले आतुतोष घिरैया बेन्चमा रहँदा अर्जुन साउदले टिममा मौका पाएका छन् ।
लुम्बिनी लायन्सको प्लेइङ-११
रोहित पौडेल, सन्दीप जोरा, विवेक यादव, दिनेश अधिकारी, सुर्य तामाङ, अर्जुन साउद, दुर्गेश गुप्ता, टम मुर्स, उन्मुक्त चन्द(विकेटकिपर), साद वीन जाफर र रेमन सिमोन्डस
सुदूरपश्चिमले बिहीवार काठमाडौं गुर्खाजसँग खेलेको टोलीमा १ परिवर्तन गरेको छ । विदेशी खेलाडी रोहन मुस्ताफालाई बेन्चमा राख्दा बसन्त खत्रीलाई मौका दिएको छ ।
सुदूरपश्चिम रोयल्स प्लेईङ-११
दीपेन्द्रसिंह ऐरी, बसन्त खत्री, विनोद भन्डारी(विकेटकिपर), ब्रेन्डन मक्मेलन, सेफ जेब, आरिफ शेख, इशान पान्डे, स्कट कुगेलेन, नरेन साउद, अभिनाष बोहोरा र नरेश बुढाऐर
