काठमाडौं, मंसिर १९ । कर्णाली याक्सविरुद्धको खेलमा काठमाडौं गुर्खाजले टस जितेको छ । आज (बुधबार) एनपएीलको छैटौं खेलमा कप्तान करण केसीले टस जितेर फिल्डिङ रोजेका हुन् । सोमपाल कामीको कर्णाली याक्सले सुरुमा ब्याटिङ गर्नेछन् ।
देव खनाल र भारतीय चर्चित खेलाडी शिखर धवन ओपनिङमा आउने छन् । यसअघि कर्णाली जनकपुर बोल्ट्स र काठमाडौं चितवन राइनोजसँग पराजित भएका थिए । दुबै टोली पहिलो जितको खोजीमा छन् ।
आजै हुने दोस्रो खेलमा लुम्बिनी लायन्स र विराटनगर किंग्स भिड्ने छन् । लुम्बिनी पहिलो खेल खेल्न लागेको हो भने विराटनगर भने तेस्रो खेल खेल्दै छ । यसअघि भएका दुवै खेलमा विराटनगरले पराजय भोगेको थियो ।
