दाङ, माघ २५ । लुम्बिनीमा राष्ट्रियसभा सदस्यको उपनिर्वाचनका लागि मतदान सुरु भएको छ । दाङको घोराहीस्थित कर्मचारी भेला केन्द्रमा बिहान १० बजेदेखि मतदान सुरु भएको छ ।
लुम्बिनी प्रदेशसभा सदस्य तथा मन्त्री चेतनारायण आचार्यले पहिलो मतदान गरेका थिए । दिउँसो ३ बजेसम्म मतदान जारी रहने प्रदेश निर्वाचन कार्यालय दाङका सूचना अधिकारी गेहेन्द्र कुँवरले जानकारी दिए ।
राष्ट्रियसभा सदस्यको उपनिर्वाचनका लागि तीन जनाको उम्मेदवारी परेको छ । नेकपा एमालेका कुमार दासौंदी, नेपाली कांग्रेसका माधवप्रसाद आचार्य र नागरिक उन्मुक्ति पार्टीका राजेन्द्रवीर राई उम्मेदवार छन् ।
गत वर्ष नेकपा एमालेबाट राष्ट्रियसभा सदस्यमा निर्वाचित रुपन्देहीका खिमलाल भट्टराईले राजीनामा दिएपछि रिक्त रहेको उक्त सिटमा उपनिर्वाचन भएको थियो ।
प्रदेश सभाका सदस्य र नगरपालिकाका प्रमुख र उपप्रमुखका लागि राष्ट्रियसभा सदस्यले मतदान गर्ने व्यवस्था छ । लुम्बिनी क्षेत्रमा कुल मतदाता संख्या ३०५ रहेको छ, जसमध्ये प्रदेश सांसदको संख्या ८७ छ ।
प्रदेश निर्वाचन कार्यालय दाङका अनुसार स्थानीय तहका प्रमुख र उपप्रमुखका लागि १०९ स्थानीय तहका मतदाता संख्या २१८ रहेको छ ।
Published Date: 08 February 2023
