काठमाडौं, कार्तिक २३ । गत असोज १० पछिको बाढी, पहिरो र डुबानका कारण पुगेको क्षतिमा हालसम्म बिमा कम्पनीहरुमा साढे १० अर्ब रुपैयाँ बराबरको माग दाबी परेको छ । नेपाल बिमा प्राधिकरणको कात्तिक २१ गतेसम्मको तथ्यांक अनुसार बिमा कम्पनीहरुमा कुल १० अर्ब ५३ करोड २७ लाख ८८ हजार रुपैयाँ बराबरको माग दाबी परेको हो ।
३ हजार ४ सय ६० दाबी संख्याबाट सो मागदाबी गरिएको हो । कात्तिक २१ गतेसम्म ४७ करोड ११ लाख ५८ हजार रुपैयाँ बराबरको मात्रै बिमा दाबी भुक्तानी भएको प्राधिकरणले जनाएको छ । यो रकम अग्रीम दाबी भुक्तानी सहितको हो ।
नियामक निकाय बिमा प्राधिकरणले छिटो र सरल रुपमा दाबी भुक्तानी गर्न कम्पनीहरुलाई निर्देशन दिएपनि दाबी संख्याको आधारमा फछ्यौंट रकम निकै कम हो । गत बुधबारसम्म ६३७ वटा दाबीको मात्र भुक्तानी भएको बिमा प्राधिकरणले जनाएको छ । यो असोज १० देखि कात्तिक २१ गते सम्मको तथ्यांक हो । दाबी पर्ने क्रम चलिरहेकाले दाबी संख्या र रकम अझै बढ्ने सम्भावना रहेको प्राधिकरणले बताएको छ ।
।
प्राधिकरणका अनुसार १४ निर्जीवन बिमा कम्पनी र ४ वटा लघु निर्जीवन बिमा कम्पनी सहित कूल १८ वटा बिमा कम्पनीमा साढे १० अर्ब दावी पर्दा जम्मा ४७ करोड मात्रै भुक्तानी गरेका छन् । यस अवधिमा १५ वटा बिमा कम्पनीले ४७ करोड ११ लाख ५८ हजार ६२७ रुपैयाँ दावी भुक्तानी गरेका छन् ।
प्राधिकरणका अनुसार दावी भुक्तानी तिर्नेमा सबैभन्दा अगाडि शिखर इन्सुरेन्स रहेको छ । जसले २५ करोड १९ लाख ८८ हजार ५५८ रुपैयाँ दावी भुक्तानी गरेको छ । त्यस्तै, सिद्धार्थ प्रिमिय इन्सुरेन्सले ७ करोड ६७ लाख रुपैयाँ दावी तिरेको छ । सलिकोले ४ करोड ३८ लाख रुपैयाँ दावी भुक्तानी गर्दा हिमालयन एभरेष्ट इन्सुरेन्सले ३ करोड ५५ लाख रुपैयाँ तिरेको छ ।
यसैगरी, नेको इन्सुरेन्सले २ करोड ३४ लाख ९३ हजार रुपैयाँ दावी भुक्तानी गरेको छ ।आईजिआई प्रुडेन्सियल इन्सुरेन्सले १ करोड २५ लाख रुपैयाँ, एनएलजी इन्सुरेन्सले ५६ लाख ६९ हजार रुपैयाँ, सानिमा जिआईसीले ७८ लाख २५ हजार रुपैयाँ, नेपाल इन्सुरेन्सले ९८ लाख ७७ हजार रुपैयाँ दावी भुक्तानी गरेको छ । त्यस्तै, प्रभु इन्सुरेन्सले ५१ लाख १२ हजार रुपैयाँ, युनाईटेड अजोड इन्सुरेन्सले ५१ लाख रुपैयाँ, दि ओरियन्टल इन्सुरेन्से ७२ लाख रुपैयाँ, नेशनल इन्सुरेन्सले २२ लाख रुपैयाँ भुक्तानी गरेकोे छ ।
प्राधिकरणका अनुसार सबैभन्दा बढी सिद्धार्थ प्रिमियर इन्सुरेन्समा २ अर्ब ५६ करोड १५ लाख रुपैयाँ बढीको माग दाबी परेको छ । ओरिएन्टल इन्सुरेन्समा १ अर्ब ५० करोड ७८ लाख रुपैयाँ बराबरको माग दाबी परेको छ भने शिखर इन्सुरेन्समा १ अर्ब ३ करोड ९५ लाख ७० हजार रुपैयाँ बराबरको माग दाबी परेको छ । नेको इन्सुरेन्समा १ अर्ब २ करोड ४६ लाख ८८ हजार रुपैयाँ, हिमालयन एभरेष्टमा ९४ करोड ९० लाख १५ हजार रुपैयाँ, सगरमाथा लुम्बिनीमा ६७ करोड १० लाख १७ हजार रुपैयाँ बराबरको माग दाबी परेको छ ।
उता निर्जीवन लघु बिमकमध्ये स्टार माइक्रोले १० वटा दाबीको ३६ लाख ६५ हजार रुपैयाँ, ट्रस्ट माइक्रोले ४ वटा दाबीको १५ लाख २० हजार रुपैयाँ, नेपाल माइक्रोले ४ वटा दाबीको ४ लाख रुपैयाँ र प्रोटेक्टिभ माइक्रोले ७ वटा दाबीको २ लाख ६० हजार रुपैयाँ भुक्तानी गर्नुपर्ने देखिएको छ । हालसम्म नेपाल माइक्रोले २ वटा दाबीको २५ हजार ६८९ रुपैयाँ भुक्तानी गरेको छ भने बाँकी ३ लघु बिमकले
गत असोज १० देखि परेको अविरल वर्षाले पुर्याएको क्षतिमध्ये सम्पति बिमामा सबैभन्दा बढी दाबी परेको छ । नेपाल बिमा प्राधिकरणका अनुसार कात्तिक २१ गतेसम्ममा सम्पति बिमामा ७ अर्ब ९१ करोड ८९ लाख रुपैयाँ बराबरको दाबी आएको छ । कम्पनीहरुले हालसम्म ३८ करोड ९५ लाख रुपैयाँ बराबरको दाबी भुक्तानी गरेका छन् । कम्पनीहरुले १ हजार ६७८ वटा दाबी परेकोमा हालसम्म ३०४ वटा सम्पति बिमा दाबीको भुक्तानी भएको छ।
