काठमाडौं, कार्तिक १४ । सुनको भाउले आज (कात्तिक १४ गते) नयाँ रेकर्ड कायम गरेको छ ।
नेपाल सुन–चाँदी व्यवसायी महासंघका अनुसार बुधबार (कात्तिक १४ गते) छापावाल सुन प्रतितोला २२ सय रुपैयाँले बढेर १ लाख ७० हजार ७०० रुपैयाँ कायम भएको छ ।
यसअघि मंगलबार कात्तिक १३ गते सुनको मूल्यमा रेकर्ड कायम भएको थियो । सो दिन छापावाल सुन प्रतितोला १ लाख ६८ हजार ५०० रुपैयाँमा कारोबार भएको थियो ।
पछिल्लो समय अन्तर्राष्ट्रिय बजारमा सुनको मूल्य बढेसँगै नेपाली बजारमा लगातार नयाँ रेकर्ड कायम भईरहेको छ । यता, आज चाँदीको भाउ पनि तोलामा १५ रुपैयाँले बढेर २१ सय २० रुपैयाँ कायम भएको छ । मंगलबार चाँदीको भाउ प्रतितोला २१ सय ५ रुपैयाँ कायम रहेको थियो ।
Published Date: 30 October 2024
