काठमाडौं, कार्तिक ८ । नेपालमा डिजिटल कारोबारलाई सहज गर्दै प्रयोगकर्ताको अनुभवलाई थप गुण्स्तरीय बनाउने लक्ष्यका साथ इसेवाले फोनपोइन्टस्सँग सहकार्य गर्ने निर्णय गरेको छ ।
फोनपोइन्टस्को सुरुवातसँगै कम्पनीले प्रयोगकर्ताहरूलाई लोयल्टी अभियानहरूप्रति अझ बढी आकर्षित गर्न खोजेको छ ।
यसले प्रयोगकर्ताहरूलाई आफ्नो संकलित पोइन्टस्लाई प्रयोग गर्न विभिन्न प्रकारका विकल्पहरू उपलब्ध गराइ थप सुविधा र सन्तुष्टि दिने मात्र नभएर अझ बढी डिजिटल कारोबार गर्न प्रोत्साहन गर्ने लक्ष्य राखेको कम्पनीको भनाइ छ ।
यसमा प्रयोगकर्तालाई एकीकृत र फाइदाजनक अनुभूति प्रदान गर्न नियमित प्रयोगकर्ताहरूलाई दिइने लोयल्टी पोइन्टलाई एकीकृत गर्ने विकल्प दिइएको छ । एकीकृत गरिएका लोयल्टी पोइन्ट प्रयोग गरी विभिन्न अफर अवलोकन गर्दै ती अफर संकलन र उपभोग गर्ने प्रक्रियाहरूलाई सरल बनाउने साझेदारीको लक्ष्य रहेको कम्पनीले जनाएको छ ।
फोनपोइन्टस्का सीईओ सागर पौडेलका अनुसार यस प्लेटफर्ममा नयाँ प्रयोगकर्तालाई जोडिनका लागि सजिलो र सहज प्रक्रिया प्रदान गरिएको छ । यसको सरल प्रक्रियाहरूले प्रयोगकर्ताहरूलाई जटिलताको सामना गर्न नपर्ने बनाउन मद्दत गर्दछ । यो प्रक्रिया सिधै फोनपोइन्टस् एपबाट पनि गर्न मिल्ने भएका कारणले प्रयोगकर्ताहरूले बीचमा अन्य चरणहरू पार नगरीकनै छिटो सेवा प्राप्त गर्न सक्नेछन् । यसले प्लेटफर्ममा प्रयोगकर्ताहरूको रुचि बढाउनुका साथै फोनपोइन्टस्को विस्तार गर्न सहयोग गर्न सक्ने पौडेलले बताए ।
प्रयोगकर्ताहरूले फोनपोइन्ट वा पार्टनर एप मार्फत आफले कमाएको फोन पोइन्टस्को विवरण हेर्न, विभिन्न अफर अवलोकन गर्दै फोनपोइन्टस् प्रयोग गरी आफूले चाहेको अफरहरू प्राप्त गर्न सक्नेछन्, जसले प्रयोगकर्ताको अनुभवलाई सरल बनाउँछ ।
८६ लाखभन्दा बढी ग्राहकहरू २ लाख ३८ हजारबढी एजेन्टहरू र ४९ बैंकहरूको विशाल नेटवर्क रहेको इसेवा नेपाल राष्ट्र बैंकद्वारा लाइसेन्स प्राप्त सुरक्षित डिजिटल वालेट हो ।
Published Date: 24 October 2024
