काठमाडौँ, असोज १७ । अभिनेत्री निरुता सिंह र अभिनेता उत्तम प्रधानले थुप्रै सुपरहिट फिल्महरुमा सहकार्य गरेका छन् । फिचर फिल्मको यो सुपरहिट जोडी १६ बर्षपछि दर्शकमाझ फर्किएको छ ।
उत्तम र निरुताले अभिनय गरेको ’यो जुनी यस्तै भो’ गीतको भिडियो बुधबार सार्वजनिक गरिएको छ । रचनाकार बबी लिम्बूले आफ्नो स्वर्गीय श्रीमान प्रति समर्पित गरेर कोरेका शब्दमा हरि लम्सालको संगीत र केशब भावुकको स्वर रहेको छ । कणर्प्रिय अडियोको भिडियो निकै भावुक बनेको छ । मिराज अर्यालले निर्देशन गरेको भिडियोमा उत्तम र निरुताको साथमा यसोधा रुचाल र आलोक अर्यालको अभिनय रहेको छ ।
‘दर्पण छायाँ’ निर्देशक तुलसी घिमिरेको प्रमुख आतिथ्यमा यो जुनी भिडियो सार्वजनिक गरिएको हो । निर्देशक घिमिरेले भिडियो मार्मिक बनेको बताए ।
