काठमाडौं, असोज ६ । आइतबार सुनको भाउ तोलामा १७ सय रुपैयाँले बढेको छ ।
नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला १७ सय रुपैयाँले बढेर १ लाख ५८ हजार ८०० रुपैयाँ कायम भएको छ । यो हालसम्मकै उच्च हो । यसअघि, शुक्रबार छापावाल सुन तोलाको १ लाख ५७ हजार १०० रुपैयाँमा कारोबार भएको थियो ।
यता, आइतबार चाँदीको भाउ पनि तोलामा ५ रुपैयाँले बढेर १९ सय २० रुपैयाँ कायम भएको छ । शुक्रबार भने चाँदीको भाउ प्रतितोला १९ सय १५ रुपैयाँ कायम रहेको थियो ।