काठमाडौं, असोज ३ । सामसङले घडीजस्तै बेर्न मिल्ने स्मार्टफोन बनाइरहेको खबर बाहिरिएको छ । फोल्डेबल स्मार्टफोन ल्याएर चर्चा बटुलेको सामसङले अब पहिलो रोलेबल (मोड्न/घुमाउन/बेर्न मिल्ने) फोन बजारमा ल्याउन लागेको हो ।
बाहिरिएको सूचना अनुसार यसका लागि सामसङले १२.४ इन्चको डिस्प्ले विकास गरिरहेको छ । यस प्रकारको स्मार्टफोन सन् २०२५ को मध्यसम्ममा सार्वजनिक हुने बताइएको छ । यदि यो फोन बजारमा आए स्मार्टफोनको नयाँ प्रकारको उदय हुने विश्लेषण गरिएको छ ।
द्यपि रोलेबल प्रविधिमा काम गर्ने पहिलो कम्पनी सामसङ होइन । यसअघि पनि अन्य कम्पनीले यस प्रकारको फोनको प्रोटोटाइप सार्वजनिक गरिसकेका छन् । तर व्यावसायिक रूपमा भने तिनले उत्पादन गरेका थिएनन् । अब यही प्रविधिलाई सामसङले व्यावसायिक रूपमा दिन खोजेको बुझिएको छ ।