काठमाडौं, भदौ २८ । आईफोन १६ सिरिज अबको एक महिनाभित्र नेपालमा उपलब्ध हुने भएको छ । नेपालका लागि एप्पलको आधिकारिक वितरक जेनेरेसन नेक्स्टका प्रबन्ध निर्देशक पवन भिमसरियाले एक महिनामा यो सिरिज नेपाल आइपुग्ने जानकारी दिएका हुन् ।
सिरिज अन्तर्गत आईफोन १६, १६ प्लस, १६ प्रो र १६ प्रो म्याक्स रहेका छन् । विश्वका विभिन्न बजारमा भने यो फोन २० सेप्टेम्बरदेखि उपलब्ध हुँदैछ ।
एप्पलले आईफोन १६ मा चार मोडेल र १३ स्टोरेज भेरियन्ट सार्वजनिक गरेको छ । यसअन्तर्गत आईफोन १६ र १६ प्लसको क्यामेरा डिजाइनमा ठूलो परिवर्तन गर्दा प्रो मोडेलको डिजाइन पूर्ण रूपमा फेरिएको छ ।
Published Date: 13 September 2024
