मुम्बई, भदौ १४ । बलिउड अभिनेत्री शिल्पा शेट्टी योगा क्वीन भनेर पनि परिचित छिन् । उनी फ्यानहरुसंग आफ्नो फिटनेसका भिडियोहरु सामाजिक सञ्जालमार्फत शेयर गरिरहेकी हुन्छिन् ।
केहि समय अगाडि उनले वर्कआउट गर्दा आफूले प्रायः गुरदास मानका गीतहरु सुन्ने बताएकी छिन् । शिल्पा भन्छिन् – ‘मेरो विवाह एक पञ्जाबी परिवारमा भएको हुँदा म आधा पञ्जाबी बनेँ । म पहिला पनि गुरदासको प्रशंसक थिएँ, तर अहिले उनका गीतको अर्थको गहिराई मलाई मेरो श्रीमानले सम्झाउनु भयो ।’
‘गुरदास मानको मेरो श्रीमान् ठूलो प्रशंसक हुनु हुन्छ । हामी जिममा पनि उहाँकै गीत सुन्छौँ र उहाँलाई सुन्दा हामीमा उर्जा थपिन्छ । उहाँका गीतमा केहि विशेष छ । तर मेरो मन पर्ने गीत
‘की बनूँ दुनियाँ दा’ हो । एक दिन यो गीत सुन्दा–सुन्दै मेरो आँखाबाट आँशू नै आयो ।’
गुरदासको प्रशंसा गर्दै शिल्पा भन्छिन् – ‘तपाईँको प्रशंसक संसारमा यति धेरै छन्, गैर पञ्जाबी स्रोता पनि तपाईँको गीत सुनेर रुन्छन् । तपाईँका गीत उत्कृष्ट छन् भन्ने मलाई थाहा थियो, तर तपाईँले आफ्ना गीत आफैँ लेख्नुहुन्छ भन्ने थाहा पाएँ, जुन अति नै अद्भूत छ । हरेक गीतमा एउटा सन्देश हुन्छ । यो पक्ष मलाई वास्तवमै अद्भूत लाग्छ ।’
Published Date: 30 August 2024
