ललितपुरको कुम्भेश्वरमा भएको आगलागी नियन्त्रणमा

ललितपुर, भदौ ३ । ललितपुरको बङ्गलामुखी मन्दिर नजिकै कुम्भेश्वरमा सोमबार बिहान भएको आगलागी नियन्त्रणमा लिइएको छ ।

ललितपुर महानगरपालिकाको दमकलको सहयोगमा आगो नियन्त्रणमा लिइएको छ । आगो निभाउन ललितपुर महानगरपालिकाका नगर प्रहरीसहितको टोली खटिएको थियो । काठमाडौं महानगरपालिकाको दमकल पनि झिकाइएको थियो ।

ललितपुरको महानगर प्रहरी प्रमुख सिताराम हाछेथुले २५ जना नगर प्रहरी, ३ वटा दमकल र एउटा पानी ट्यांकरको सहयोगमा आगो नियन्त्रणमा लिइएको बताए ।