काठमाडौं , साउन २७ । पेरिस ओलम्पिकमा आज नेपालकी धाविका सन्तोषी श्रेष्ठले म्याराथनमा प्रतिस्पर्धा गर्दै छिन् । युनिभर्सियालिटी कोटाबाट पेरिस ओलम्पिकमा छनोट भएकी सन्तोषी गत १५ गते पेरिस गएकी थिइन् ।
१० दिन पेरिसमा नै उनले प्रशिक्षण गरिन् । नेपालबाट यसपटक ओलम्पिकमा सहभागी ७ खेलाडीमध्ये एथ्लेटिक्सकी सन्तोषी चुनौती प्रस्तुत गर्ने अन्तिम नेपाली खेलाडी हुन् ।
सन्तोषीले आफूले गरेको अभ्यासअनुसार सक्दो राम्रो गर्न प्रयास गर्ने बताएकी छिन् । सन् २०१९ मा काठमाडौँमा भएको १३औँ दक्षिण एसियाली खेलकुदमा १० हजार मिटर दौडमा स्वर्ण जितेकी उनी ओलम्पिकमा भने म्याराथन दौडन लागेकी हुन् ।
Published Date: 11 August 2024
