बर्दिबास, साउन २४ । प्रतिबन्धित लागू औषध गाँजा तथा ब्राउन सुगरसहित ३ जना नागरिकलाई प्रहरीले पक्राउ गरेको छ ।
प्रहरीले बुधवार (हिजो) अपराह्न ५ बजेतिर बर्दिबास १ स्थित पूर्वपश्चिम लोक मार्ग दक्षिण भवसी खोला आसपासबाट ६ क्विन्टल ११ किलो तयारी गाँजासहित भारत मोतीहारी ग्राम पञ्चायत कुरिया गाउँका २५ वर्षीय गुड्डु कुमार यादव, २९ वर्षीय मनिषकुमार गिरीलाई पक्राउ गरेको हो ।
बर्दिबास १ स्थित सिन्धुली चोकबाट २ ग्राम ३३० मिलिग्राम तौल बराबरको खैरो हिरोइन (ब्राउन सुगर) सहित धनुषा जानकीनन्दनी गाउँपालिका ५ खजुरी महुवाका १९ वर्षीय ओम महरालाई समेत पक्राउ गरेको जिल्ला प्रहरीका डिएसपी सन्तुलालप्रसाद जयसवारले बताए।
बा.प्रा ०३–००१ ख २८३२ नम्बरकाे मिनी ट्रकबाट उक्त गाँजा बरामद गरिएको हो । पक्राउ परेका तीनै जनामाथि प्रहरीले अनुसन्धान कारबाही अघि बढाएको छ । बरामद लागू औषधको बजार मूल्य एक करोडभन्दा बढी रहेको प्रहरीको भनाई छ ।
Published Date: 08 August 2024
