बुधबार सुनको भाउ प्रतितोला १४ सय रुपैयाँले घट्यो

काठमाडौं, साउन २३ । सुनको भाउ २ दिनमै ३७ सय रुपैयाँले घटेको छ ।

नेपाल सुन–चाँदी व्यवसायी महासंघका अनुसार बुधबार २४ क्यारेट (छापावाल) सुन प्रतितोला १४ सय रुपैयाँले घटेर १ लाख ४६ हजार ३०० रुपैयाँ कायम भएको छ । यसअघि, मंगलबार पनि २४ क्यारेट (छापावाल) सुन तोलामा २३ सय रुपैयाँले घटेर १ लाख ४७ हजार ७०० रुपैयाँ कायम भएको थियो ।

आज चाँदीको भाउ पनि तोलामा १५ रुपैयाँले घटेर १७ सय १० रुपैयाँ कायम भएको छ । मंगलबार चाँदीको भाउ तोलाको १७ सय २५ रुपैयाँ कायम रहेको थियो । अन्तर्राष्ट्रिय बजारमा आज सुन प्रतिऔंस २ हजार ३९३.५६ डलरमा र चाँदी प्रतिऔंस २७.२५ डलरमा कारोबार भइरहेको छ ।