भारतीय शेयर बजार खुल्नासाथै भारी गिरावट

काठमाडौँ, साउन २१ । साेमबार भारतीय शेयर बजार खुल्नासाथै भारी गिरावट देखिएकाे छ । अमेरिकामा मन्दीको त्रासले सेन्सेक्स साताको पहिलो कारोबार दिन अर्थात् आज करिब २ हजार ४०० अंकले घटेकाे छ ।

यसरी गिरावट भएर सेन्सेक्स ७८,६०० विन्दुमा झरेकाे छ । योसँगै निफ्टीमा करिब ७०० अंकको गिरावट आएर २४,००० को स्तरमा पुगेको छ ।

आजको कारोबारमा निफ्टी रियल्टी, बैंक, मेटल र अटो इन्डेक्स ४ प्रतिशत भन्दा बढीले घटेको छ। जबकि आईटी, मिडिया र तेल सूचकहरू पनि करिब ३ प्रतिशतले घटेका छन् । टाटा मोटर्स, अडानी पोर्ट, टाटा स्टील, इन्फोसिस र जेएसडब्लु स्टिलमा भने ५ प्रतिशतले गिरावट आएको छ।